استرجاع كلمة المرور طلب كود تفعيل العضوية تفعيل العضوية قوانين المنتدى
العودة   بيت البناء السعودي > التشطيبات > منتدى السلامة والدهانات والتكسية والانارة والابواب والارضيات والديكورات والحدائق > الديكورات والتصاميم

اعلانات

التسجيل السريع مُتاح
عزيزي الزائر . وفي حال رغبتم بالإنضمام إلى أسرتنا في المنتدى ينبغي عليكم ،التسجيل!

اسم المستخدم: كلمة المرور: تأكيد كلمة المرور: البريد الالكتروني: تأكيد البريد:
موافق على شروط المنتدى 


كيفية تنسيق الديكور

يختص بجميع اعمال الديكور والتصميم



  انشر الموضوع
إضافة رد
نسخ الرابط
نسخ للمنتديات
 
أدوات الموضوع انواع عرض الموضوع
قديم 12-23-2011, 06:31 PM   المشاركة رقم: 1
المعلومات
الكاتب:
اللقب:
عضو مميز
الرتبة


البيانات
التسجيل: Dec 2011
العضوية: 101
المشاركات: 175 [+]
بمعدل : 0.04 يوميا
اخر زياره : [+]

التوقيت

الإتصالات
الحالة:
مروان غير متواجد حالياً
وسائل الإتصال:

المنتدى : الديكورات والتصاميم

السلام عليكم ورحمة الله وبركاته..


كيف .. كيف .. كيف ..
كيف هو اصعب سؤال نواجهه اذا جينا نشتغل علي الديكور ..
سواء غرفه او ممر او صاله او مطبخ او دورة مياه ..
او حتى دولاب او كنبه او طاوله
او حتى مفرش
او حتي تلفون <<< بالنسبه لي كيف احطه يسار المزهريه احلى ولا يمينها

يعني فعلا الديكور اي حركه بسيطه في المكان تخرب المنظر العام ..
كنبه مايله .. برواز نازل تحت اوطالع فوق .. ابجوره لونها مش مناسب ..

عشان كذا حبيت اني اجمع
مجموعه تساؤلات واحطها بين ايديكم تنفعكم ان شا الله
نقرتين لعرض الصورة في صفحة مستقلة



* كيف تخلين مدخل شقتك جميل مريح ويستقبل ؟

طبعا مدخل الشقق دائما يسبب أزمات للساكنين ليش ؟
لانه صغير لانه احيانا يكون مدخل لاهل البيت وللظيوف
لانه يكون غالبه صغير ضيق ماله داعي ..
فالمقترحات هنا :

- يحتاج مدخل الشقق اضاءه علويه ( في السقف ) ومرايا كبيره ..
لان مدخل الشقق غالبا مايكون فيه شبابيك فيحتاج اضاءه ممتازه تعطي شراحه للمكان
مع وجود مرايا توزع الاضاءه وتعطي انتشار افضل للاضاءه وتعطي وسع للمساحة

- حطي لمسات حميميه تعطي دفء وجمال للمدخل ..
مثلا مزهرية ورد ، تحفة صغيره زجاجية ، اضاءه خافته ، سله لطيفه تحطين فيها اي شئ

- طاوله طويله مش عريضه او تجي كورنر تحطينها تحت المرايا تخدم المكان من حيث المنظر
ومن حيث الاستخدام ،، وجميل جدا لو يكون عندك ابجوره تحطينها علي الطاوله مع
الاشياء اللي ذكرتها قبل مع ورد او زرعه .. يعطون دفء رائع للمدخل ..

- ممكن تحطين علي الطاوله حوض سمك بدل التحف ..
حوض السمك يلفت النظر عن ضيق المكان ويعطي حيويه وروح ..
ودائما يكون سبب لابتسامة الضيف من القلب اول مايدخل

نقرتين لعرض الصورة في صفحة مستقلة


* كيف اقصر من منظر الغرف الطويله ؟

خلي الديكور كله متركز في الجدران الجانبيه العرضيه ..
مش علي الجدار في النهاية الطوليه ..
لانه اذا اضفتي لوحة او حتى شباك راح يكون التركيز عليها
وراح يبين مدى طول الغرفه ..

توزيع الاثاث هنا برضو ياثر في الشكل ..
يعني اذا خليتي الكنب مثلا في نهاية الغرفه برضو بيبين لك طولها
لكن الافضل ان تخلين الجلسه في منتصف الغرفه ..
ونهايتها الطوليه تحطين كرسي وطاوله او اي شي جانبي ..
لكن الاهم الجلسه الرئيسيه تكون في النص ..

عندك كمان قطع السجاد لها تأثير ..
يعني هنا تحتاجين قطع سجاد مفرقه تحطينها بالعرض بشكل متباعد
راح تقصر لك المسافه ..
ابتعدي علي السجاده الطوليه وخليكي علي السجاد المربع و الدائري ..

اهم شي هنا تفكرين في الممشى ..
يعني اذا عندك الصاله مثلا عباره عن ممر في البيت ..
انتبهي تخلين الجلسه في نص الممشى او تخلين التلفزيون قدام الممشى ..
يعني كل من مر قطع التلفزيون عن الجالس او يمر بين الجالسين ..
قبل ترتيب الاثاث افضل شي ترسمين احتمالات الترتيب علي ورق <<< مجربه

نقرتين لعرض الصورة في صفحة مستقلة


* كيف يكون ترتيب كنبتين في الصاله ؟

اذا الصاله فيها تلفزيون افضل شي الكنب يكون علي شكل L
اما يكون تفصل الكنب الريدي علي هذا الشكل او تحطين الكنبتين علي الشكل .
عشان يكون التركيز علي التلفزيون ..يعني يكون التركيز علي شئ ما في الصاله ..
وطاوله الكوفي تكون قدامهم

اذا كانت الصاله مجرد صاله تجمع و سواليف
فالافضل تكون الكنبتين مقابلات بعض بينهم طاوله الكوفي .

اذا كانت الصاله كبيره جدا ..
ممكن تفصلين الكنبتين وتخلين كل وحده في جهة ..
مثلا وحدة مقابله للتلفزيون والثانيه مقابله مكتبه مثلا ..
وطبعا هنا اكيد راح تحتاجين اضافه قطع اثاث ثانيه ..
هنا حلو يكون في جلسات متعدده في الصاله .

_نقرتين لعرض الصورة في صفحة مستقلة


ايش اختار لون لصالتي ولا غرفتي ولا مجلسي ؟

هذا السؤال البطل دااااائما ..
اولا غلط انك تسالين احد ايش اضرب بويه لمكان لك انتي ..
البيت بيتك انتي اختاري شي بذوقك انتي كذا راح تقدرين تبدعين بعدين بالنسبه
للاثاث و الاكسسوارات .. غير عن اذا اخترتي لون بتاثير من صديقتك او جارتك او اختك ..
بتحتارين طووووول مشوارك الديكوري للغرفه ..

اختيار اللون راجع لك انتي لكن تناسق الالوان سوا له قانون ..
يعني اذا جيتي تختارين لون ثاني هنا لازم تمشين علي قانون حتى تنتجين منظر جميل ويبعث
السعاده للناظرين ..
هنا لازم نفهم تكنيك عجلة الالوان ..
لان كل لون ياثر عالثاني .. كل لون يظهر الثاني .. كل لون يطمس الثاني ..وهكذا ..
برضو طبعا اللون ياثر كثيييير في روح المكان عشان كذا لازم تفكرين بجدية عندك اختيارك للون ..

اولا عليك انك تحددين هل راح تخلين كل غرفه لون كل ممر لون ..
يعني كل غرفه لها ستايلها .. او
انك بتخلين ثيم واحد لكل الغرف بدرجات متقاربه و متناسقه .

ثانيا عليك انك تحديين كل غرفه ايش تبغين جوها ..
لان اللون ياثر بشكل اساسي علي الجو ..
يعني عندك الاحمر و البرتقالي الوان نشيطه في حين الاخضر و الازرق الوان خامله .

ثالثا استخدمي عجلة الالوان اذا جيتي تحددين الغرفه تبغين لها الوان متضاربه
او تبغين لها الوان مكمله لبعضها .

رابعا استخدمي التدريج اذا اردتي توسيع الغرفه بالالوان :
الوان غامقه في الارضية ، ودرجة افتح للجدران ، ودرجة افتح بكثيير للسقف
كذا تخلين النظر يحس ان المكان فسيييح لاعلى .

خامسا اختاري لون بويتك من اثاثك .. اذا انتي خلاص اشتريتي الاثاث
لا تحتارين في اللون خلاص استنبطي اللون من قطع الاثاث اللي عندك
من خداديتك مثلا كذا بتصير الغرفه متماسكه مش ضايعه من ناحية الالوان

سادسا امش ورا بعض خبراء الديكور اللي يرشحون طريقة
( تركيبة الـ 60 - 30 -10 )
اللي تقول خلي اللون الوسط في الغرفه بنسبة 60 بالميه .
خلي اللون الفاتح بنسبة 30 بالميه
وخلي اللون الغامق بنسبة 10 .
طبعا هذه الطريقه يرفضها بعض الناس اللي يحبون الغرفه تكون كلها بيضا
او كلها غامقه .. الناس اذواق .

سابعا اضاءة الغرفه تحكمك ..
اذا عندك شبابيك و اضاءة صناعيه قويه
ممكن تحطين الوان غامقه .. لكن اذا ماعندك اضاءه طبيعيه او صناعيه ..
فالافضل تكون الوانك فاتحه .

نقاط مهمه :
- ممكن اضافة اكسسوارات سودا للغرف وان كانت خاليه من اللون الاسود
لان اللون الاسود يعيطي حيويه للالوان الباقيه .
- لاتخلين الارضية افتح من الجدران كذا بيصير شكل الارض وكانها ضايعه
الارضيات الفاتحة ماتمشي الا مع جدران فاتحة ..( كلام خبراء الديكور ) .

نقرتين لعرض الصورة في صفحة مستقلة



كيف امشي علي قانون عجلة الالوان ؟

اذا جيتي تخططين لتنسيق الالوان في غرفتك ..
عندك كذا ثيم ممكن تختارينه من عجلة الالوان :

1- مجموعة المصاب بعمي الالوان ( Achromatic ) :

حتى تسوين غرفة بدون الوان عليك انك تختارين الالوان الطبيعيه وهي
ابيض ، اسود ، رمادي واحيانا البيج او البني ..
صوره لغرفة Achromatic :
نقرتين لعرض الصورة في صفحة مستقلة



2 - مجموعة احادي اللون ( Monochromatic ) :

انك تخلين الغرفه كلها من لون واحد بكن بدرجااااات مختلفه وممكن تضيفين لون طبيعي
( اسود او ابيض او رمادي او بيج او بني ) .
صوره لغرفة Monochromatic :
نقرتين لعرض الصورة في صفحة مستقلة



3- مجموعة التماثل ( Analogous ) :

انك تختارين الوان بطريقه معينه من العجله وهي :
تختارين لون رئيسي واحد ( الالوان الرئيسيه هي الاحمر و الاصفر و الازرق ) .
تتختارين لونين ثانويين ( اللون الثانوي هو الناتج من دمج اللون الرئيسي مع اللون الفرعي ) .
( اذكركم هنا بالالوان الفرعيه : هي التي تنتج من دمج لونين رئيسين وهي الاخضر والبنفسجي
والبرتقالي )
نعيد الطريقه هذه انك تختارين لون واحد رئيسي ولونين ثانويين ..
مثلا :
احمر + ( احمر + اخضر ) + ( احمر + برتقالي ) = غرفة متماثله .
( يبغالها ناس فاهمه في دمج الالوان وتعرف اللون متكون من ايش من اول ماتشوفه )

هذه صوره باختصار توضح الالوان المتماثله
( كل خط يعطيك مجموعة متماثله )
نقرتين لعرض الصورة في صفحة مستقلة


صوره لغرفه Analogous :
نقرتين لعرض الصورة في صفحة مستقلة



( فيه ناس هنا تقول طيب زي الثاني تدرجات اللون .. بس لاحظوا انه في دمج بين الاخضر
و الازرق اللي هم لونين مختلفين واحد رئيسي و واحد فرعي ) .

4 - المجموعه المكمله ( Complementary ) :

عشان تسوين غرفه الوانها مكمله لبعض عليك ان تختارين
كل لون واللي مواجه له يعني مثلا اذا طالعنا علي العجلة
بنشوف الاحمر مواجه له الاخضر و والاصفر مواجه له البنفسجي
و الازرق مواجه له الازرق .

صوره لغرفة Complementary :
نقرتين لعرض الصورة في صفحة مستقلة



5 - Split Complementary :

انك تختارين لون من العجله واللونين اللي على جنبين اللون المواجه له ..
يعني لو طالعنا على العجلة بنشوف الازرق و البرتقالي على احمر و البرتقالي على اصفر ..

صوره لغرفه Split Complementary :
نقرتين لعرض الصورة في صفحة مستقلة

6- مجموعة الثلاثية Triad :

انك تختارين 3 الوان متباعده عن بعض بنفس العدد ..
يعني بينهم 3 الوان 3 الوان 3 الوان ..
يعني مثلا الاحمر و الازرق و الاصفر في صوره العجلة ..

صوره لغرفه Triad :
نقرتين لعرض الصورة في صفحة مستقلة



( نشوف فيها الاخضر و البرتقالي و البنفسجي )

7 - المجموعه الرباعيه Tetrad :

انك تختارين اربع الوان متباعده عن بعض بنفس العدد ..
يعني مثلا في صوره العجلة بتطلع لنا احمر ، برتقالي مصفر ، بنفسجي مزرق و اخضر

صوره لغرفه Tetrad
نقرتين لعرض الصورة في صفحة مستقلة

نقرتين لعرض الصورة في صفحة مستقلة

كيف اختار الستاره المناسبه للغرفه ؟

الستاره نقدر نعتبرها تحدي في الديكور ..
فيه كم نقطه لازم تراعينها اذا جيتي تختارين ستارتك :
- حجم الستاره وشكلها يعتمد علي حجم وابعاد الغرفه و الشباك مثلا الستاير الطويله
مناسبه للشباك الطويل النحيف ، اوما مع الشباك القصير تجي نوعا ما ضايعه
ونفس الشي اذا الغرفه صغيره الستاره الكبيره المتكلفه ماتجي مناسبه .
ومثلا شباكك طويل وصغيييير استخدمي له الستاره اللي تنمسك من جهة وحده
يعطيها شكل ويغطي صغرها .

- عشان تخلين منظر الستاره اجمل علقي عصا الستاره
فوق الشباك بـ 15 الى 30 سم .

- خلي عصا الستاره دائما اعرض من الشباك
حتى تقدرين تفتحين الستاره الين 30 او 40 سم من الجنبين ..
حتى تدخل شمس اكثر ويبين الشباك اعرض .

طيب كيف تختارين لون الستاره :

- اختيار لون الستاره جدا جدا مهم .. الستاره هي الاساس تقريبا في الغرفه
زيها زي الكنبه زيها زي السرير .. البعض يهملها ويحط اي ستاره وبكذا
يكون غلط غليه كبيره ..

شيئين مهمين تحطينهم في بالك اذا جيتي تختارين اللون :
واحد : مساحة المكان ، اذا الغرفه صغيره فافضل شي هنا تكون الوان الستاره فاتحه جدا
حتى تعطي فسح للمكان لكن العكس صحيح للمكان الواسع فهنا يكون فيه تعدد في الاختيار
ممكن الغامق او الفاتح ماعنده اشكال .
اثنين : ستايل الغرفه .. لون الستاره مرتبط كثير بلون الاثاث و الاكسسوارات
ومرتبط اكثر بستايل الاثاث .. اثاثك عصري ستارتك لازم تكون عصريه ..
اثاثك كلاسيك ستارتك لازم ترتبط فيه ..
وبعد كذا فكري في جو الغرفه كيف تبغينه بعدها راح تقدرين تقررين لون الستاره ..

طيب انواع مساكات الستاير كيف تختارينها اذا فصلتي ستارتك ؟

Pencil pleat :

اللي تجي مزمومه كثييييير من فوق وخياطته مخفيه من ورا
يعني ماتشوفين دخلته علي العلاق ..
هذه مناسبه لغرف النوم وغرف الاسترخاء والغرف الفخمه الكلاسيك ..
يعني مجلسك ستايله فخم هذا النوع المناسب ..

شكلها في الغرفه :
نقرتين لعرض الصورة في صفحة مستقلة


هذا عكس الي قبل تجي باينه دخلته على العلاق ..
وتجي زماته او طياته خفيفه وبين كل وحده و وحده مسافه ..
هذا الستايل حلو للاقمشه اللي مزخرفه حتى تبان زخرفتها ..
النوع هذا مناسب للاثاث العصري

شكلها في الغرفه :

نقرتين لعرض الصورة في صفحة مستقلة

Pinch pleat
نقرتين لعرض الصورة في صفحة مستقلة


هذه ايضاً طريقه تركيبها في العلاقه تكون مخفيه ..
الخياطه فيها علي شكل مروحه تعطي طيات حلووه منفخه للستاره ..
هالنوع حلو في غرف الضيوف والمجالس الانيقه الهاديه و غرف الطعام

شكلها في الغرفه :

نقرتين لعرض الصورة في صفحة مستقلة

Tab tops

هذه بسيطه حلوه لغرف النوم الناعمه وصالات البيت .

شكلها في الغرفه ..
نقرتين لعرض الصورة في صفحة مستقلة


كيف ارتب الرفوف ؟

هذا السؤال ايضا وارد اذا عندك جدار فااضي ..
الارفف جميلة جدا وتعطي جو يوحي بالترتيب و التنظيم ..
فيه كم طريقه راح اسردها واسرد مزاياها ..

نقرتين لعرض الصورة في صفحة مستقلة


- الرفوف البيضا المعلقة بشكل متوازي ، هذه تعطي شكل اوسع للمكان ..
وتوحي لك ان الجدار كبير

نقرتين لعرض الصورة في صفحة مستقلة
- ترتيب الرفوف بلون معاكس للون الجدار وبطريقة عشوائية تعطي منظر
جميل للمكان وكان الجدار كله دولاب او لوحة
نقرتين لعرض الصورة في صفحة مستقلة


- الرفوف المتلاصقه المتوازيه تعطي مكان اكثر للتخزين ..
سواء تخزين كتب او ادوات مطبخ او اكسسوارات او اي شي ..

نقرتين لعرض الصورة في صفحة مستقلة
- رفين فوق الكنبه تعطي شكل مذهل للغرفة وتعطيك مساحة للعرض
زرع ، شموع ، تحف اي شي تحبين

نقرتين لعرض الصورة في صفحة مستقلة

- المساحة الضيقه في الجدار هي افضل مكان للرفوف ..
تنتج لك دولاب جديد ، وايضا دائما الرفوف جنب المغلسه حاجة مفيدة جدا .

نقرتين لعرض الصورة في صفحة مستقلة

نقرتين لعرض الصورة في صفحة مستقلة

- اذا عندك طاوله او دولاب صغير جيبي رفوف من نفس لونه واضيفيها فوقه
تعطي شكل جميل وجدا وماتصير الرفوف حاجه منفصله عنه .

نقرتين لعرض الصورة في صفحة مستقلة


- الرفوف السفلية اختيار رائع للحمام .. تعطي جو وكانك في منتجع ..
تحطين مناسف شموع شتلات .. منظرها جميل جدا .

نقرتين لعرض الصورة في صفحة مستقلة


- ترتيب الرفوف من فوق لتحت على طول الجدار .. كمان تعطي منظر رائع

نقرتين لعرض الصورة في صفحة مستقلة



- الرفوف بين الشبابيك لها نظرة غير ..
استغلال جميل للمكان شكل جميل ومفيد .


ان شاء الله يارب تلاقون استفادة من الموضوع طبعا الموضوع منقول للفائدة

أن أستحق التقييم فلا تنسوني منه..

دمتم بخير ~


نقرتين لعرض الصورة في صفحة مستقلة









عرض البوم صور مروان   رد مع اقتباس
قديم 12-28-2011, 08:17 PM   المشاركة رقم: 2
المعلومات
الكاتب:
اللقب:
عضو مميز
الرتبة


البيانات
التسجيل: Dec 2011
العضوية: 101
المشاركات: 175 [+]
بمعدل : 0.04 يوميا
اخر زياره : [+]

التوقيت

الإتصالات
الحالة:
مروان غير متواجد حالياً
وسائل الإتصال:

كاتب الموضوع : مروان المنتدى : الديكورات والتصاميم
افتراضي


اغلفة فيس بوك

هل هذا الموضوع لا يستحق الردود ؟









عرض البوم صور مروان   رد مع اقتباس
قديم 12-28-2011, 08:18 PM   المشاركة رقم: 3
المعلومات
الكاتب:
اللقب:
عضو جديد
الرتبة


البيانات
التسجيل: Dec 2011
العضوية: 104
المشاركات: 29 [+]
بمعدل : 0.01 يوميا
اخر زياره : [+]

التوقيت

الإتصالات
الحالة:
محمد محمود غير متواجد حالياً
وسائل الإتصال:

كاتب الموضوع : مروان المنتدى : الديكورات والتصاميم
افتراضي


اغلفة فيس بوك

موضوع رائع اخى وشكراً لمجهودك ويستحق التقييم ايضاً









عرض البوم صور محمد محمود   رد مع اقتباس
قديم 03-16-2012, 11:22 PM   المشاركة رقم: 4
المعلومات
الكاتب:
اللقب:
المديرة التنفيذية - الادارة العليا للشبكة
الرتبة
الصورة الرمزية
 
الصورة الرمزية حنين الاشواق


البيانات
التسجيل: Nov 2011
العضوية: 86
المشاركات: 1,026 [+]
بمعدل : 0.23 يوميا
اخر زياره : [+]

التوقيت

الإتصالات
الحالة:
حنين الاشواق غير متواجد حالياً
وسائل الإتصال:

كاتب الموضوع : مروان المنتدى : الديكورات والتصاميم
افتراضي


اغلفة فيس بوك

نقرتين لعرض الصورة في صفحة مستقلة
رررررراااااااااااائع سلمت يداك









عرض البوم صور حنين الاشواق   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الديكور, تنسيق, كيفية

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تنسيق تنفيذ الاعمال الصحيه مع الاعمال الخرسانيه - كيفية تنسيق الأعمال الصحية مع الخرسانية مديرة مشاريع السباكة 10 09-12-2013 12:03 PM
صور دهانات فخمة - طريقة تنسيق الوان الجدران - كيفية اختيار الوان الجدران الشادي الاصباغ والدهانات 0 05-06-2011 07:34 AM
كيفية اختيار الالوان - أختيار الألوان أهم عناصر الديكور الشادي الاصباغ والدهانات 0 05-04-2011 05:34 AM
اهم مميزات الطراز الفرعوني في تنسيق الحدائق حياة الروح الحدائق والنوافير والمسابح 0 12-02-2010 04:28 AM


الساعة الآن 06:13 PM

converter url html by fahad7


أقسام المنتدى

الأقــســـام الــعـــامــة @ ملتقى بيت البناء السعودي @ التصاميم الهندسية @ عقود البناء @ الاشراف الهندسي @ برامج البناء @ منتدى الأثاث @ اعمال البناء وموادها @ مواد البناء @ الاعمال الترابية @ اعمال الخرسانه @ اعمال البناء @ الكهرباء @ السباكة @ الاعمال الميكانيكية @ اللياسة @ العوازل @ الحدادة والنجارة @ التشطيبات @ الاصباغ والدهانات @ التكسية الخارجية @ الابواب والنوافذ @ الأرضيات @ الديكورات والتصاميم @ الحدائق والنوافير والمسابح @ سوق البناء @ المقاولات @ مواد البناء @ المعدات الثقيله والمتوسطة والخفيفة @ منتدى الخدمات والصيانة @ السجاد والموكيت والستائر @ غرف النوم والطعام واطقم الجلوس ( الكنب ) @ الخزائن والارفف @ اللوحات الفنية المنزلية @ الاجهزة الكهربائية المنزلية @ احواض اسماك الزينه @ الفديوهات الخاصة بالانشاءات @ الصور الخاصة بالانشاءات @ منتدى الادارة @ الارشيف و المحذوفات @ منتدى الشكاوي والاقتراحات @ منتدى الترحيب بالاعضاء والتهاني @ الحماية والسلامة @ الانارة والاضاءة @ منتدى الفيديو والصور الخاصة بالانشاءات و البناء @ منتدى التصاميم الهندسية والعقود والاشراف والبناء @ منتدى الاعمال الترابية والخرسانة والبناء @ منتدى اعمال الكهرباء والسباكة واللياسة والعوازل والبناء والحداده والنجارة والاعمال الميكانيكية @ منتدى سوق البناء السعودي @ منتدى السلامة والدهانات والتكسية والانارة والابواب والارضيات والديكورات والحدائق @



Powered by vBulletin® Copyright ©2000 - 2024, Jelsoft Enterprises Ltd. By Mohamed Mohtrf